Mostre su la resistence dal “Garoful Blanc”

Un grup di students todescs che, in maniere no violente, al à cirût di fâi cuintri al nazisim e che a àn paiât la lôr resistence cu la vite. A chescj fantats, che a vevin cjapât sù il non di “Garoful Blanc”, e je dedicade la mostre in program alì des Galariis dal Progjet di palaç Morpurgo, che si scree miercus ai 16 di Avrîl a sîs sot sere (18.00). La iniziative e je curade dal Istitût pe Storie de Resistence e de Societât Contemporanie di Reggio Emilia. La esposizion e conte la storie di chescj zovins resistents bavarês par mieç di testimoneancis di chei agns, tescje e materiâi fotografics che a van dal 1933 al 1945. La mostre si pues viodile sore nuie fin ai 4 di Mai di vinars a domenie inte fasse orarie che e va di trê a sîs dopodimisdì (15.00 – 18.00) e, inte zornade dai 25 di Avrîl, za a partî di dîs e mieze di buinore.