Vierts diviers museus a Pasche e il lunis di Pasche

Fin setemane di Pasche ae insegne de art, de musiche e dal timp libar a Udin. I Museus civics sei a Pasche che il lunis di Pasche a saran vierts di 10.30 a 17. In Cjistiel si podaran visitâ ancje lis gnovis esposizions dal museu dal Risorgimento e dal museu Archeologjic. Propit par agjevolâ la jentrade ai Museus civics al sarà atîf il servizi di bus par lassà sù in Cjistiel che al partirà di place Libertà. Cun di plui in citât a saran vierts ancje il museu Etnografic a palaç Giacomelli e Cjase Cavazzini dulà che al sarà pussibil visitâ ancje la mostre temporanie “Start&Stripes. Arte americana dagli anni Settanta”. Ultimis zornadis par viodi la esposizion “Jan Karski. Una missione per l’ umanità” che e sarà vierte fin ai 21 di Avrîl inte galarie fotografiche “Tina Modotti”, vierte al public ancje il dî di Pasche des 10.30 a 12. La mostre “La Rosa Bianca”, intes Galariis di palaç Morpurgo, e sarà vierte di 15 a 18 sai a Pasche che il lunis di Pasche. Vierte ancje la mostre “Biodiversità”, inte glesie di Sant Francesc di 10.30 a 18. Il museu diocesan e lis galariis dal Tiepolo a saran sierâts a Pasche e vierts il lunis di Pasche di 10 a 13 e di 15 a 18. Il museu dal Domo, l’Oratori de Puritât e la glesie di Sante Marie dal Cjistiel a saran invezit sierâts. La glesie di Sant Antoni dulà che e je logade la mostre “Arringo Buttazzoni- l’arte come sogno e vita” e sarà vierte sei a Pasche che il lunis di Pasche di 16.30 a 19.