Telefonie mobile, il TAR al da reson al Comun sui ricors

Il Tribunâl Aministratîf Regjonâl dal Friûl – Vignesie Julie al à mandât indaûr i undis ricors presentâts di Telecom Italia cuintri dal Comun di Udin, che al veve dite di no ae domande dal gjestôr de telefonie par potenziâ i implants za in vore. La aministrazion comunâl e veve refudât la domande parcè che i implants a jerin judicâts no coerents cu lis disposizions dal Plan di setôr dal Comun. La aministrazion comunâl e veve dât parê negatîf a 11 des 30 domandis presentadis di Telecom.