Mostris e visitis vuidadis par ricuardâ la Liberazion

In ocasion des celebrazions pe fieste de Liberazion dai 25 di Avrîl il Comun al à inmaneât diviersis mostris e visitis vuidadis intai puescj par solit no acessibii al public tant che i ripârs antibombardament dai Zardins dal Torso o di Zardin Grant. La iniziative nomenade “46° parallelo. La guerra dappertutto. 10 giugno 1940- 25 Aprile 1945” e je stade presentade vuê di matine intune conference stampe in program a 11.30 intal ripâr antibombardament di Zardin Grant (sot dal cuel dal cjistiel).