Fat bon il belanç consultîf 2013

La Zonte comunâl e à fat bon il belanç consultîf dal 2013 che si è sierât cuntun civanz di 942 mil euros. Cumò il document al passarà al esam dal Consei comunâl. Inte gjestion dal belanç 2013 – al à dite il sindic, Furio Honsell – la riduzion des risorsis disponibilis e je stade penze, stant che de Regjon a son rivâts 4 milions di euros in mancul di contribûts e in particolâr l’an passât la Aministrazion comunâl e à scugnût meti in bande 12,8 milions di euros di tornâ al Stât, traviers de Regjon, pe Imu e pe Tares. Il belanç al à regjistrât jentradis par un totâl di 141 milions di euros che a son rivadis des tassis, de Regjon e dal Stât talian. Lis spesis a son stadis di 128,5 milions di euros. Cundut dal pat di stabilitât il Comun al à fat paiaments par oparis publichis par su par jù 22 milions di euros.