Visite vuidade a une mostre a Cjase Cavazzini

Al è timp fin a cinc dopomisdì (17.00) di doman joibe ai 24 di Avrîl par notâsi ae prossime iniziative inmaneade dai servizis didatics dai Museus civics di Udin. Domenie ai 27 di Avrîl di undis a misdì e mieç (11.00-12.30) e je in program a Cjase Cavazzini la visite vuidade “La stagjon dal liberty tra inovazion e maniere”. Il presit de visite al è di 6 euros. Par informazions e prenotazions al è pussibil contatâ il Servizi didatic al numar 0432/414749 il lunis, il martars e la joibe di 9 a 13 e di 14 a 17, il miercus e il vinars di 9 a 13. Par informazions si pues ancje scrivi ae direzion di pueste eletroniche didatticamusei@comune.udine.it