Al torne il marcjât des robis dopradis

Cui 3 di Mai, in Zardin Grant, al tornarà a partî il marcjât des robis dopradis che, cun chest an, al cjaparà il non di Marcjât dal riûs. L’apontament al larà indenant ogni prime sabide dal mês, di vot di buinore a vot di sere (8.00 – 20.00) fintremai il Dicembar dal 2015. L’intindiment al è chel di viodi la rispueste dai citadins no dome in mert ae vendite di prodots doprâts, ma ancje sul svilup de culture dal tornâ a doprâ. Il Comun al à dât in man ae dite “Avanti” la gjestion, la organizazion e la promozion de manifestazion. Par informazions o par partecipâ si à duncje di rivolzisi a cheste dite al numar 348 8204454 o ben ae direzion di pueste eletroniche avantiaglieventi@tiscali.it .