Nîts pe infanzie, si ponte a confermâ i puescj disponibii

Cundut des dificoltâts di belanç la Aministrazion comunâl e ponte a confermâ il numar di puescj a disposizion intai nîts pe infanzie ancje pai prossims trê agns. Cun di fat, inte riunion dai 22 di Avrîl, la Zonte e à dât il vie libare par une gnove convenzion cu lis struturis privadis che a operin intal teritori comunâl. In dì di vuê il Comun al garantìs in dut 362 puescj, 224 intai nîts comunâi e 138 ta chei convenzionâts. Intai prossims mês i uficis dal Comun a metaran fûr un bant par cjapâ sù lis adesions. Lis struturis che si convenzionaran a varan di garantî par dute la durade dal acuardi i stes nivei cualitatîfs intes ativitâts educativis, di coordenament pedagogjic e organizatîf, dal servizi di mense e ta chês altris ativitâts. Par dâi une man aes fameis, la Zonte e à ancje decidût di no aumentâ lis tarifis. Par chel che al rivuarde invezit l’an scolastic 2014-2015, il Comun al ricuarde invezit che a mancjin aromai pôcs dîs par podê presentâ lis domandis di amission al servizi dai nîts pe infanzie. I 30 di Avrîl a son di fat la ultime zornade par presentâ la domande alì dai uficis dal servizi integrât – gjestion aministrative di viâl Ungheria 15.