Ultins dîs par visitâ “Biodiversitas”

Ultins dîs par visitâ, alì de ex glesie di S. Francesc, la mostre “Biodiversitas”. La esposizion, che di cuant che e je vierte e à viodût cuasi 9 mil acès, e restarà vierte fintremai domenie ai 27 di Avrîl. Filmâts, videointervistis, fotografiis, ricostruzions ambientâls e i reperts dal Museu Furlan di Storie Naturâl a permetin di cognossi plui a fonts la unicitât dai ambients furlans e des speciis animâls e vegjetâls che a cjatin acet te nestre tiere. Ta chescj dîs, ancje ai 25 di Avrîl, la mostre e je vierte intal dopomisdì, di trê e mieze a siet e mieze (15.30 – 19.30).