Presentazion dal puest di ristorazion dal Parc Moretti

Si slargjin i servizis e lis struturis a disposizion dai fruitôrs dal Parc Moretti. Martars ai 29 di Avrîl a misdì e mieç al ven presentât il gnûf puest di ristorazion a servizi de aree verde di Vie Mentana, che al sarâ screât in maniere uficiâl joibe al 1 di Mai. La gnove struture, un edifici a bas impat ambientâl, a permetarà di slargjâ la viertidure dal chiosc par dut l’an e no dome dilunc dai mês estîfs. Ae presentazion a saran presints il sindic Furio Honsell e diviers Assessôrs competents.