Martars si scree “Depot: esperienze di pittura in vitro”

Si scree martars ai 6 di Mai alì di Cjase Cavazzini “Depot: esperienze di pittura in vitro”, une racuelte des oparis fatis dai pitôrs che a àn partecipât ae iniziative “Painting Practices” a Naiarêt de Tor. Ta chê ocasion a jerin stâts produsûts cuasi dusinte lavôrs e cumò une selezion di chês oparis e rive a Udin là che e restarà in mostre fin ai 15 di Jugn, dal martars ae domenie di dîs e mieze di buinore fintremai siet sot sere (10.30-19.00). La scree de esposizion e je in program ai 6 di Mai a sîs sot sere (18.00) cu la partecipazion ancje dal assessôr comunâl pe culture Federico Pirone e dal diretôr dai Museus Civics Marco Biscione.