Trê telecjamaris gnovis alì dal cimitieri dai Riçs

Dentri de fin dal mês il cimitieri dai Riçs al podarà contâ su trê telecjamaris gnovis pal videocontrol. Ai 6 di Mai la “MD Systems srl” di Codroip e à consegnât lis trê telecjameris che e veve decidût di regalâ al Comun di Udin par incressi i sistemis di control a disposizion de aministrazion comunâl. In spiete che a rivassin i “voi eletronics” gnûfs, ai Riçs a son za stâts preparâts i implants che a coventin par leâju al rest dal sisteme comunâl di videocontrol.