Domenie di matine e torne “Bimbinbici”

Ancje chest an Udine al aderìs cun “Bimbinbici” ae Zornade de biciclete imbastide dal Ministeri talian pal ambient. La iniziative si davuelzarà domenie ai 11 di Mai, cun partence a nûf e un cuart di buinore (9.15) dal plaçâl dal marcjât di viâl Vât. A Udin, la zornade e je inmaneade des sezions locâls di FIAB “Abicitudine” e Italia Nostra, cu la colaborazion dal Comun di Udin. La bicicletade si davuelzarà su 10 km prime dilunc de ex ferovie Udin – Maian, po in direzion di Culugne e dai Riçs, alì dal Parc dal Cormôr, par finî alì de aree verde dongje di plaçâl Cjavrîs. “Bimbinbici”, in plui di une pedalade, al è ancje un moment par sierâ i progjets didatics che i frutes des scuelis primariis a fasin in classe dilunc vie dal an scolastic.