Sucès dal progjet dai orts urbans

Sucès dal progjet dai orts urbans metût adun dal ufici Agjende 21 dal Comun di Udin. Cun di fat intai ultins cuatri incuintris inmaneâts in citât a son stadis plui di 400 lis personis presintis e diviers Comuns talians a àn domandât ae capitâl furlane di insegnâ lis buinis pratichis in teme di orts urbans. Cumò la aministrazion comunâl e à in progranm di meti sù un gnûf ort urban intal ospedâl Gervasutta dedicât al recupar des personis disabilis. In citât i orts urbans a son gjestîts di associaizons, di privâts e des scuelis. Il Comun al è a cjâf de rêt taliane orts urbansi e cu la fondazion Campagna Amica al è clamât ator pe Italie a descrivi la sô esperience e a formâ altris aministrazions locâls, ma cheste esperience e je lade ancje plui innà, par esempli a Edimburc e a Lubiane.