Scuele montessoriane, il Comun al ponte a dôs sezions

Il Comun al fasarà dut ce che al pues par che la sezion montessoriane e puedi lâ dilunc a dâi bon acet a dutis lis domandis di iscrizion rivadis. A dîlu a son il sindic Furio Honsell e la assessore pe istruzion Raffaella Basana che a confermin la volontâ di continuâ a invistî su chest ponte di diamant dal sisteme scolastic gjestît dal Comun. Chê in vore alì de scuele primarie de infanzie Garzoni e je la uniche struture publiche montessoriane di dut il Friûl – Vignesie Julie e, duncje, la Aministrazion comunâl no vûl pensâ a vê di blocâ la nassite di une seconde sezion de scuele. In dì di vuê si àn za trê insegnants formâts daûr dal sisteme montessorian e cun Setembar altris a puartaran insom il 70% de formazion, percentuâl minime par tacâ a insegnâ. Il sisteme di istruzion si svilupe daûr di un rapuart educatîf che al à tant che fondis la indipendence e il rispiet pal svilup psicologjic naturâl dal frut.