Presentade la prime edizion di Euro wellness parade

E je stade presentade îr intune conference stampe la prime edizion di Euro wellness parade, manifestazion dedicade ae ativitât sportive e al benstâ in program di vinars ai 23 a domenie ai 25 di mai intes principâls placis dal cjâf lûc furlan. Intal centri citadin a saran fats sù 14 palcs dulà che si tignaran cors di gjinastiche e diviersis ativitâts aerobichis cun plui di 200 insegnants che a vegni di dut il mont. Aes lezions pratichis si zontaran des conferencis viertis a dute la popolazion cun esperts dal setôr in program in Sale Ajace il sabide e la domenie di 10 a 12 e di 16 a 18. Il program dal event e dutis lis informazions si cjatin intal sît www.eurowellnessparede.com. La manifestazion e je inmaneade dal Comitât Euro wellness parade cul contribût e cul patrocini de Regjon Friûl-VJ, dal Comun, de Agjenzie Turismo Fvg e des Feroviis Udine Cividale e cu la colaborazion des Associazions Albergatori Udinesi, Ginnastica Forum Julii e Spine Yoga.