Iscrizions al bant pal servizi civîl solidari

Al è timp fin ai 9 di Jugn par iscrivisi al bant pal Servizi Civîl Solidari. Il bant al è viert ai zovinis, talians e forescj, di 16 e di 17 agns residents in Friûl – Vignesie Julie. I zovins a podaran partecipâ al servizi dilunc di dut l’an scolastic, par un totâl di 360 oris o intal periodi estîf par un implei complessîf di 240 oris. 8 a saran lis personis selezionadis: 2 zovins a saran impleâts intai centris di agregazion e di partecipazion “Punto Incontro Giovani” e “Officicne Giovani”, 2 al Punto Informa, 2 al ufici di Progjet OM.S. “Città Sane” e altris 2 inte Ludoteche comunâl e al Ludobus. Lis domandis a an di sei presentadis dentri di 12.15 dai 9 di Jugn al ufici protocol, in vie Lionello 1, viert di lunis a vinars di 8.45 a 12.15 e il lunis e la joibe di 15.15a 16.45. Dutis lis informazions si cjatin intal sît www.fvgsolidale.regione.fvg.it