Miercus fieste pe fin di “L’Ora delle storie”

Si siere miercus ai 21 di Mai cuntune fieste finâl a 17 inte Sezion Ragazzi de biblioteche civiche “V.Jopppi” la 14 ^ edizion di l’Ora delle storie, l’apontament setemanâl di contis par fruts dai 4 ai 8 agns inmaneât de Sezion Ragazzi de biblioteche civiche in colaborazion cu la Ludoteca comunâl, , cul Cec e cun altris colaboradôrs. Positîf il belanç de edizion di chest an, dulà che a an partecipât 400 fruts. Positîf ancje il belanç dai apontaments de “L’Acchiappastorie”, inmaneâts intes bibliotechis di circoscrizion dal “Club Tileggounastoria” in colaborazion cu la Associazion culturâl San Lazzaro, dulà che a an partecipât plui di 500 fruts. Miercus a tacâ di 17 inte biblioteche e je in program la “Festa magica delle Storie” cuntun ospit speciâl il Mago Deda.