Cjase Cavazzini, miercus si presentin lis oparis restauradis

Rivade insom la campagne di restaurs fate in gracie dal jutori finanziari dal International Inner Wheel Club di Udin, intune conference stampe in program doman, miercus ai 4 di Jugn, a 11 di matine alì di Cjase Cavazzini l’assessorât pe culture e i Museus civics udinês a presentin lis oparis che a son stadis restauradis. Si trate di oparis fatis di artiscj che a van di Enrico Castellani a Alberto Savinio, fin a Giuseppe Zigaina. A partecipin ae conference stampe il sindic Furio Honsell, l’assessôr pe culture Federico Pirone, il diretôr dai museus Marco Biscione, la conservadore di Cjase Cavazzini Vania Gransinigh, e la presidente de sezion udinese dal International Inner Wheel Mariapia Fonzone.