Ai 7 di Jugn si scree la mostre di fotos “Preghiere nel vento”

E à non “Preghiere nel vento” la mostre fotografiche firmade di Miriana Bonazza che si screarà sabide alì de galarie Modotti. La esposizion, inmaneade dal centri buddhist Cian Ciub Ciö Ling cul patrocini dal Comun e curade di Enea Chersicola, e sarà inaugurade ai 7 di Jugn a sîs sot sere (18.00) ancje cu la partecipazion dal sindic Furio Honsell. La mostre, che e propon une selezion di fotografiis fatis in Nepal, in Bhutan e in Tibet, e restarà vierte fintremai i 29 di Jugn il vinars e la domenie di cuatri dopodimisdì a vot e mieze di sere (16.00 – 20.30) e la sabide ancje di dîs di matine fin a dôs dopodimisdì (10.00 – 14.00 e 16.00 – 20.30).