Sabide scree dal bar intal parc Brun di viâl Vat

Scree sabide ai 7 di Jugn a 15.30 dal gnûf barachin dal parc Brun di viâl Vat. Il servizi bar al sarà gjestît de Giangio srl pai prossims 11 agns. Ae societât, che e paiarà une fitance complessive di 20 mil euros, in plui de gjestion dal servizi bar i spiete la manutenzion, la pulizie e il control de aree. De setemane che e ven intal parc si podaran viodi lis partidis dai campionâts mondiâi di balon. Cun di plui de metât dal mês di Jugn ogni dopo misdì di lunis a vinars di 16.30 a 18.30 a saran a disposizion dai fruts i animadôrs de struture Happy Days cun zûcs, cors di dissen laboratoris e altris iniziativis, dutis sore nuie. Inte aree simpri di lunis a vinars des 19.30 a son in program, sore nuie, dai cors di macumba, areo dance, aero boxe e zumba a cure de palestre Newlife Center di Pagnà.