Ai 8 di Fevrâr e tache la rassegne cui films de mont

Ai 8 di Fevrâr si scree la rassegne dai “Films de mont” metude adun de Seste Circoscrizion dal Comun di Udin, intune cul Dopolavoro Ferroviario e cu la Societât Alpine Furlane. La rassegne e ufrìs chest an siet seradis dedicadis ai protagoniscj dal alpinisim e des aventuris in alte cuote. I apontaments a son in program ogni vinars, a 9 di sere, dai 8 di Fevrâr fin ai 22 di Març alì dal auditorium Menossi. La manifestazion si vierç cu la proiezion di “La voie Bonatti” di Bruno Peyronnet e di “Cold” di Ansol Fogel. Protagonist dal incuintri in program vinars ai 15 di Fevrâr e sarà invezit la multivision, cun intervents di Roberto Valenti e Franco Toso. Ai 22 di Fevrâr si varà invezit la proiezion di “McKinley 1961 – Storia di un’amicizia”, “Linea 4.000” e “Verticalmente Démodé”. In Març si tache il prin dal mês cul progjet “Islanda: oltre il silenzio” cun Andrea Sartori e Mariano Storti, po ai 8 si à il documentari “K2, lo spigolo nord” , ai 15 la serade e je dedicade ae figure dal alpinist furlan Ignazio Piussi, ai 22 si varà po l’ultin apontament cu la multivision “Atlantico e nuvole”. O ricuardìn che la jentrade al auditorium Menossi e je libare.