Premiâts vuê i volontaris de sigurece citadins

Si è tignude vuê, joibe ai 25 di Jugn, a palaç D’Aronco la cerimonie di premiazion dai nûf volontaris de sigurece che vie pal an scolastic a pene finît a àn colaborât cu la polizie locâl intal presidi dai istitûts scolastics. Ai nûf ur è stât consegnât un atestât di ricognossince pal impegn ufiert. Tes cuasi 700 oris di servizi i volontaris a àn tignût di voli i passaçs pedonâi di Baldassarie, des viis Delle Scuole, Della Faula/Massaua, S. Daniele/Sacile, Gorizia, Dante, e dai viâi Tricesimo e Venezia. La sperimentazion e sarà tornade a proponi ancje intal prossim an scolastic. Cui che al è interessât al à timp fintremai i 31 di Avost par presentâ la domande par partecipâ ae prossime edizion dal progjet. Plui informazions su: www.comune.udine.it.