Convenzion cul Tribunâl par servizis di utilitât publiche

Vuê, joibe ai 26 di Jugn, il sindic Furio Honsell e la presidente dal Tribunâl di Udin Alessandra Bottan a àn firmât la convenzion che e permet a di un numar massim di 10 condanâts di davuelzi servizi di utilitât publiche, no paiade, alì de aministrazion comunâl. Cun di fat, par cierts reâts, la leç e permet ai judiçs di condanâ ai lavôrs di utilitât publiche, al puest de preson o dal paiament di multis. Si trate di une convenzione come chê za sotscrite trê agns indaûr e che e jere in scjadince propit ta chestis zornadis. L’acuardi al previôt che si sconti la pene lavorant in setôrs che a puedin lâ di ativitâts di protezion civîl ae tutele dal patrimoni ambientâl e culturâl, de manutenzion di bens publics a prestazions di utilitât publiche leadis ae specifiche professionalitât dal condanât.