Al vie la rassegne “Burattini senza confini”

E torne ancje chest an “Burattini senza confini”, la rassegne di spetacui di strade in program intai cuartîrs de citât par dut il mês di Lui. 5 i apontaments, ducj a tacâ des 18, in 5 areis diviersis citadinis. Si tache martars 1 di Lui inte aree verde Marcello D’Olivo di viâl Afro (in câs di brut intai spazis cuvierts dal centri polifunzionâl in vie della Forze Armate) cun “Giragiocamondo” un spetacul a cure de compagnie “La casa degli gnomi”. I apontaments a van indenant martars ai 8 di Lui inte aree verde Robin Hood di vie Pirona a Cussignà cun “Il sogno”, un spetacul a cure di “Gambeinspallateatro”, ai 15 di Lui intal parc Ardito Desio in vie Val D’Arzino cun il spetacul “Fiabirilli”, ai 22 di Lui inte aree verde ex vivâr Giorgini, in vie Colugna. La rassegne si siere ai 29 di Lui inte aree verde Peter Pan di vie Pietro di Brazzà cul spetacul “Un circo in musica”, a cure dal Teatri Tages. Ducj i apontaments a son sore nuie. Par informazions al è pussibil contatâ il PuntoInforma dal Comun clamant il numar 0432/414717 o consultâ il sît www.comune.udine.it.