Cul prin di Lui si invie “Burattini senza confini”

“Burattini senza confini”, la rassegne di spetacui di strade in program ator pe citât intal mês di Lui, si invie il prin dal mês, a sîs sot sere (18.00) inte aree verde Marcello D’Olivo di viâl Afro (in câs di brut timp si spostisi intal centri polifunzionâl li dongje) cun “Giragiocamondo” de compagnie “La casa degli gnomi”. Ancje chei altris cuatri apontaments si inviaran intal stes orari. Ai 8 di Lui te aree verde Robin Hood di vie Pirona a Cussignà si va indenant sul spetacul “Il sogno” di “Gambeinspallateatro”. Ai 15 di Lui alì dal parc Ardito Desio in vie Val D’arzino Claudio e Consuelo a proponaran “Fiabirilli”. Il cuart apontament al è invezit in program ai 22 di Lui te aree verde in vie Colugna là che Alberto De Bastiani e Paolo Forte a presentin il spetacul “Fortunato e i tre capelli d’oro dell’orco”. A sierâ la rassegne, ai 29 di Lui te aree verde Peter Pan di vie Pietro di Brazzà, al sarà “Un circo in musica” dal Teatro Tages. Ducj i apontaments a son a jentrade libare.