Ai 2 di Lui al partìs “Mini*scienza*lab”

Al è in program miercus ai 2 di Lui di cinc dopodimisdì a siet sot sere (17.00 – 19.00) te sale polifunzionâl di vie Joppi 72 il prin dai sîs laboratoris “Mini*scienza*lab” par scuvierzi la sience par mieç di zûcs e di esperiments divertents. Il teme di chest prin incuintri al sarà “Pozions&reazions – un salt te chimiche”. La iniziative, che e je vierte sore nuie ai fruts tra i 6 e i 11 agns, e je inmaneade dal Assessorât pal decentrament intune cu la sezion fruts e fantats de biblioteche civiche “Joppi” inte suaze dai apontaments che Udinestate e ufrìs pai plui piçui. Par partecipâ però al è però di prenotâ alì dal Laboratori dal Imagjinari Sientific telefonant al 392 9811096 o scrivint a iscrizioni.ta@immaginarioscientifico.it .