Fats bogns ducj i progjets pai Lavôrs di utilitât publiche

A son stâts fats bogns ducj i 5 progjets presentâts dal Comun ae Regjon pai Lavôrs di utilitât publiche. Lu à fat savê l’assessôr pe Inovazion, Gabriele Giacomini, in rispueste ae interogazion presentade dal conseîr comunâl di oposizion, Adriano Ioan. Cun chescj progjets a saran ocupâts 18 lavoradôrs, 10 impleâts e 8 operaris. I progjets a varan une durade massime di 8 mês e un orari di 32 oris a setemane. La iniziative e je indreçade aes personis residentis in Friûl-VJ che si cjatin in stât di disocupazion di almancul 8 mês, che no cjapin nissun amortizadôr sociâl e che no son titolârs di pension amissibile al redit da lavôr e che a son iscritis ai Centris pal impeli de Regjon. Chest an ilComun al à za cjapât dentri 45 personis intal progjet dai Lavôrs di utilitât sociâl, 4 intai progjets Cantieri di lavoro e 17 neolaureâts de Universitât dal Friûl. Pai progjets la aministrazion comunâl e metarà a disposizion 186 mil euros, a chescj si zontin 671 mil euros finanziâts de Regjon, par un valôr complessîf di 857 mil euros.