Prossims apontaments cul Ludobus

Al va indenant “In Giro Giocando – Zuiant a torzeon” il zîr dal Ludobus intes areis verdis, intai parcs e intes placis de citât. Si tache martars ai 15 di Lui inte aree verde Padri Marchiol in vie Piutti, si larà indenant ai 16 inte aree verde Mc Bride in vie Ampezzo, ai 17 in place Matteotti e ai 18 inte aree verde di vie Bariglaria. Ducj i events a son in program tra cinc e mieze e siet e mieze sot sere (17.30 a 19.30). In câs di brut timp i intervents si davuelzaran al cuviert inte biblioteche comunâl di vie del Sale. Il program complet dai events al è disponibil intal sît www.comune.udine.it .