Progjet didatic pal control e pe eficience energjetiche

Al è operatîf l’acuardi sotscrit tra il Comun, l’Amga e l’ Istitût salesian Bearzi pe realizazion di un intervent di telegjestion dal implant di riscjaldament di Palaç D’ Arconco. Dopo de prime fase di progjetazion i docents e i fantats dal istitût a son daûr a realizâ un progjet didatic e sperimentâl pal control e pe eficience energjetiche de sede dal Comun. Il sisteme di telegjistion al permet di meti in vore une gjestion uniche dai sistemis di sigurece, dai implants eletrics, termics e di ogni rêt di distribuzion dai servizis.