Indenant i apontaments di “Campo allargato”

A van indenant lis ativitâts tra art, musiche, nature e culture di “Campo allargato” intal parc Giorgini, in vie Colugna. Dopo diviersis iniziativis indreçadis ai fruts vinars ai 18 di Lui a 18.30 al è in program il laboratori “Intorno al filo…” par adults. Martars ai 22 di Lui invezit, a 18 il spetacul di teatri di strade cjapât dentri de rassegne “Burattini senza confini”, intant che miercus ai 23 di Lui a 18.30 si davuelzarà la cuarte e ultime lezion di moviment espressîf “Metodo Rio Abierto”. A sierâ la rassegne, vinars ai 25 di Lui a 17, la sarà l’apontament cun “Finissage- Il Tempo del Botanico”.