Nomenât il CdA gnûf de Net
La assemblee dai socis e à nomenât il gnûf Consei di Aministrazion de Net, la societât partecipade dal Comun di Udin che e lavore intal cjamp de gjestion des scovacis. Dongje di Renzo Moro, confermât ae vuide de Net, il Comun di Udin al à nomenât ancje Patrizia Simeoni, ricercjadore de Universitât furlane, e Dario Roustayan, aministradôr delegât de Pilosio spa. Intal CdA gnûf a jentrin ancje, in chest câs nomenâts di chei altris sindics socis, Claudio Pantanali e Aldo Pavoni.