Progjet SCRA su lis buinis pratichis energjetichis

Al ven screât martars ai 22 di Lui il progjet SCRA: Spegni, Cammina, Riduci, Abbassa, iniziative inmaneade dal Punto Verde Domotecnica di Udin in colaborazion cun l’Associazion 0432 e cul Comun dentri di Udinestate. Martars aes 4 e mieze in Place Libertât fruts e fantacins a saran clamâts a scuvierzi la impuartance de energjie e ce mût fâ par no straçâle. L’esperience e cjaparà dentri ancje une cjaminade pes viis dal centri e un laboratori creatîf su lis buinis pratichis energjetichis.