Vuê l’incuintri “Il comportamento dei ciclisti”

Al è in program vuê, miercus ai 23 di Lui, a 16 intal Salon dal Popolo a palaç D’Aronco l’incuintri “Il comportamento dei ciclisti”. La riunion e je indreçade in particolâr ai components di “Tavolo a Pedali”, il grup puartât indenant dal Comun par promovi l’us de biciclete e la mobilitât sostignibile in citât. Al centri dal incuintri e sarà la sigurece de mobilitât ciclistiche. Ae riunion a parteciparan il Comandant de Polize Locâl dal Comun, Sergio Bedessi, il Prefet, Provvidenza Delfina Raiumondo, il sindic, Furio Honsell e i assessôrs comunâi pe mobilitât, Enrico Pizza, pe Educazion, Raffaella Basana e pal cumierç, Alessandro Venanzi.