Scree a Udin pal congrès dai Fogolârs furlans dal Canada

Udin al strenç ancjemò di plui i leams cul Canada cul dâi acet al cuarantesim congrès dai Fogolârs furlans dal paîs nordamerican. La iniziative si è inviade ai 23 di Lui e e larà indenant, in diviers lûcs dal Friûl, fintremai i 27 dal mês. La scree uficiâl dal congrès e je in program ai 24 di Lui propit intal cjistiel di Udin, alì dal salon dal Parlament de Patrie dal Friûl.