Il Pali dai Borcs al tornarà ai 20 e ai 21 di Setembar

Confcumierç e Comun a son pronts pe tierce edizion dal Pali dai Borcs. La conferme e rive dai rapresentants dai borcs di Udin, dal assessôr comunâl pes ativitâts economichis e turistichis Alessandro Venanzi e de diretore vicjarie de Confcumierç Caterina Segat che a àn metût jù lis liniis di fonde dal event in program ai 20 e ai 21 di Setembar. “La aministrazion comunâl – al à dite l’assessôr Venanzi –  e à inviât un percors par valorizâ i borcs storics de citât e cul Pali si vûl infuartî il sens di partignince dai stes borcs, ancje parcè che a son lôr a formâ chel centri comerciâl naturâl che cun Confcumierç e cun chês altris categoriis economichis si è daûr a promovi”.