Ai 2 di Avost e torne la manifestazion “No violence”

Sabide ai 2 di Avost, a cinc dopodimisdì (17.00), alì dal parc Ardito Desio di vie Val D’Arzino si tignarà la manifestazion “No violence”, la zornade culturâl cuintri di ogni violence inmaneade de comunitât nigjeriane di Udin. Al event, che al gjolt dal patrocini dal Comun e de Union des comunitâts e des associazions di imigrâts, a parteciparan ancje lis assessoris comunâls Antonella Nonino e Cinzia Del Torre.