Lunis fieste finâl pai centris estîfs dal Comun

I centris ricreatîfs estîfs dal Comun di Udin a sierin lis lôr ativitâts di chest an cuntune grande fieste che si tignarà lunis ai 25 di Avost. L’apontament al è di nûf di buinore a dôs dopodimisdì (9.00 – 14.00) alì dal parc dal Cormôr. I fruts tra i 6 e i 11 che a àn partecipât ai cinc centris ricreatîfs a varan la pussibilitât di partecipâ aes ativitâts imbastidis de cooperative Orizzonti di Murùs. A son previodûts ancje doi laboratoris creatîfs, un par meti adun acuilons e chel altri par tirâ sù une citât dal futûr cun butiliis di plastiche.