Internet, Facebook e App par Friuli Doc

In spiete che e partissi la vincjesime edizion di Friuli Doc, si pues za tacâ a jentrâ inte clime de manifestazion cul gnûf sît internet e cui diviers socials inviâts in gracie de poie di TurismoFVG. Sul sît internet uficiâl (www.friuli-doc.it), dongje de mape, des gnovis e dal meteo si cjataran ancje contignûts multimediâi, ricetis e curiositâts. Dut ce che al covente par movisi dentri de manifestazion al sarà disponibil ancje sui dispositîfs mobii par mieç di une gnove aplicazion svilupade di pueste pe edizion di chest an. Pe edizion 2014 si à ancje une pagjine uficiâl di Friuli Doc su Facebook. Tra i materiâi ufierts sul sît si varà po la direte streaming dai showcooking in cort Morpurgo, intant che su Facebook si varà la pussibilitât di metisi ae prove cul zûc “Quanto sei DOC?”