Laboratoris par lavorâ i scus, di lunis si pues iscrivisi

A vierzin cul prin di Setembar lis iscrizions par doi laboratoris gratuits par lavorâ i scus. Lis lezions, che a tacaran cui 15 di Setembar e a laran indenant fin a Zenâr, a permetaran di imparâ a preparâ dai piçui lavôrs di artesanât. A son previodûts doi turnis che si tignaran a Cussignà te sede de Cuinte Ccircoscrizion, in vie Veneto 164: un il lunis dopodimisdì tra trê e cinc (15.00 – 17.00), chel altri la joibe di sere tra vot e dîs (20.00 – 22.00). Par iscrivisi si pues lâ in ducj i sportei dal citadin des Circoscrizions.