Sabide e domenie inventôrs di zûcs in Ludoteche

Ancje chest an e sarà la Ludoteche comunâl di Udin a dâi acet, sabide ai 6 e domenie ai 7 di Setembar, a IdeAG Nordest, l’incuintri dai inventôrs di zûcs des regjons nordorientâls dal stât talian. Un event unic intal so gjenar che i permetarà ai inventôrs di presentâ e di fâ provâ i lôr prototips e al public di sperimentâ zûcs gnûfs. Par ospitâ chest apontament, sabide ai 6 di Setembar la Ludoteche comunâl e sarà vierte al public di dîs di matine e une, di dôs dopodimisdì a siet e di vot di sere a miezegnot (10.00-13.00, 14.00-19.00, 20.00-24.00), intant che la dì dopo si tignarà viert di dîs di matine fin une e di dôs dopodimisdì fin siet sot sere (10.00-13.00, 14.00-19.00).