Viertis lis iscrizions ai cors par imparâ a nadâ

Si vierzin vuê lis iscrizions ai cors gnûfs par imparâ a nadâ inmaneâts dal Comun pai fruts e pai fantats nassûts dal 2000 al 2010. In dut a son disponibii 300 puescj. I cors si davuelzaran inte pissine Tomadini di vie Martignacco e intal implant comunâl di vie Pradamano a tacâ dai 4 di Otubar. Lis iscrizions a avaran di sei fatis in rêt sul sît www.comune.udine.it e a son viertis di vuê fin a 18 di Joibe ai 11 di Setembar. Il Comun al metarà ancje a disposizion dai contribûts pes fameis cuntun Isee che nol passe i 30 mil euros. I cors a son in program il martars di 17 a 17.40 e di 17.40 a 18.20 inte pissine di vie Pradamano, il vinars di 14.50 a 15.30 inte pissine Tomadini, di 17 a 17.40, di 17.40 a 18.20 e di 18.20 a 19 intal implant di vie Pradamano e la sabide di 9.10 a 9.45, di 11.50 a 12.30, di 14.20 a 15 e di 14.50 a 15.30 inte pissine Tomadini.