Modifichis ai oraris di vierzidure dai uficis de anagrafe

Il Comun al informe che par vie des operazions eletorâls pes elezions politichis di domenie ai 24 e di lunis ai 25 di Fevrâr, i oraris di viertizure dai uficis de anagrafe a varan dai cambiaments. I uficis anagrafe, eletorâl e informazions e notificazions a saran vierts dome inte matine di lunis ai 25 di Fevrâr di 8.45 a 12.15 intant che a saran sierâts martars ai 26. L’ufici pes cjartis di identitât al restarà viert lunis ai 25 fin a 15.00. L’ufici eletorâl dal Comun, a tacâ di martars ai 19 di Fevrâr, al sarà viert pe consegne dai duplicâts des tessaris eletorâls ogni dì fin a sabide ai 23 di Fevrâr cun orari continuât di 9.00 a 19.00, la domenie dopo di 8.00 a 22.00 e lunis ai 25, simpri par permeti ai eletôrs di domandâ un duplicât de tessare eletorâl, al sarà viert di 7.00 a 15.00.