Sconts par visitâ “Castelli Aperti” e museus civics

Sabide ai 4 e domenie ai 5 di Otubar si varà un gnûf apontament cu la manifestazion “Castelli Aperti”. Pe ocasion si torne a proponi l’acuardi tra il Consorzi pe tutele dai cjistiei storics dal Friûl – Vignesie Julie e i Museus civics di Udin. L’acuardi al previôt che cui che al visitarà un dai museus civics di Udin dai 15 di Setembar ai 4 di Otubar, cul biliet di jentrade al varà dirit a di un scont di un euro par visitâ un dai disevot cjistiei che a aderissin ae manifestazion. Cui che invezit al visitarà chescj edificis storics ai 4 e ai 5 di Otubar cul biliet di jentrade al varà dirit a di un scont di doi euros e mieç par viodi i museus udinês dai 5 ai 15 di Otubar.