StraUdine 2014 in prime linie cuintri de violence di gjenar

La organizazion de Maratonine di Udin e à decidût di dedicâ a Silvia Gobbato, intal inovâl dal so sassinament, la StraUdine ERP, o sei la corse no competitive che si davuelzarà ai 21 di Setembar (cun partence a undis di matine). Di là de dediche, si à ancje decidût di dâ une part dai bêçs tirâts sù cu lis iscrizions a cui che al lavore cuintri de violence su lis feminis. Plui in detai, si larà a dâ une man a Zero Tolerance, il sportel dal Comun di Udin cuintri de violence di gjenar.