Proiezion di “The Big Parade” al Visionario

Al jentre intal vîf “Udine 1914-2018. Storie in corso” il program metût adun dal Comun pal inovâl de Prime Vuere Mondiâl. Domenie, ai 28 di Setembar, a 19.30 al cine Visionario al sarà proietât il film “The Big Parade”, cu la presimce al piano di Neil Brand, un dai plui famôs compositôrs dal cine mut. L’event al è inmaneât dal Comun in colaborazion cul C.E.C., il Centri Espressions Cinematografichis di Udin, cu la Cineteche dal Friûl e cul Kinodvor di Lubiane. Lis prevenditis a son za disponibilis.