Fûr il bant di gare pe gjestion dal teatri Palamostre

Al è stât publicât sul sît dal Comun di Udin il bant di gare pe gjeston dal teatri Palamostre. Cui che al fos interessât al podarà presentâ la sô manifestazion di interès dentri di misdì e un cuart (12.15) dai 13 di Otubar. A puedin partecipâ chei operadôrs che intai ultins trê agns a àn madressût une cierte esperience tal inmaneâ e tal gjestî stagjons teatrâls e altris ativitâts culturâls, e che a àn vût un faturât di amancul 150 mil euros ad an. Cui che al cjaparà la concession al varà di paiâ un cjanul di afit di 21 mil euros ad an. Dutis lis informazions par partecipâ si lis cjate sul sît Internet dal Comun.