Crisi economiche, incuintri cui sindacâts a palaç D’Aronco

Lis politichis cuintri de crisi metudis in vore dal Comun e il gnûf sisteme di calcul dal Isee a son stâts i temis dal incuintri che si è tignût martars ai 2 di Dicembar a Palaç D’Aronco tra la Zonte comunâl e i rapresentants di Cgil, Cisl e Uil. Pal sindic, Furio Honsell, al è stât un incuintri une vore positîf là che il Comun al à spiegât lis misuris inviadis par judâ lis personis e lis fameis colpidis de crisi, in particolâr cul font di 500 mil euros a disposizion fin ai 19 di Dicembar, e i rapresentants sindacâi a àn presentât lis lôr osservazions e a àn domandât un confront continuatîf sui svilups de situazion. Tra i grops di disgredeâ intai prossims mês si à il gnûf sisteme di calcul dal Isee, o sei l’indicadôr de situazion economiche des fameis. No je une cuistion di pôc se si pense che l’acès a cetancj dai servizis dâts fûr dal Comun al è leât propit al Isee.