Presentât il Belanç di Gjenar 2014

Al è stât presentât îr, joibe ai 11 di Dicembar, de assessore comunâl pe paritât om e femine, Cinzia Del Torre, il Belanç di Gjenar dal 2014. Intal document, ancje chest an, in plui de classifiche di gjenar a son stâts cjapâts sù i dâts e lis informazions suntun cuartîr particolâr de citât. Dopo dal cuartîr de Magnolie, chest an al è stât analizât il cuartîr Aurora. Traviers di discussions di grup – e à spiegât la Del Torre – a son stâts individuâts i problemis specifics e lis propuestis par miorâ il cuartîr, che a podaran jessi metudis in vore za cui prins mês dal 2015. Cun di plui chest an e je stade screade la Cjase des feminis dulà che, a tacâ dal mês di Març, a son stadis organizadis diviersis iniziativis e mostris. Il belanç di gjenar al sarà disponibil intai ufici comunâi e si podarà scjariâ dal sît internet dal Comun www.comune.udine.it