Lunis prime Zornade de Trasparence

Lunis ai 15 di Dicembar, a sîs sot sere (18.00), in sale Ajace e je in program la prime Zornade de Trasparence dal Comun di Udin. E je une iniziative inmaneade dal assessorât pe inovazion par stiçâ la partecipazion ative dai citadins su chest teme e par invidâju a proponi sugjeriments, segnalazions e azions par miorâ la trasparence de aministrazion intai siei spazis su Internet. Un tant si insuaze intes gnovis prospetivis che lis leçs a àn viert intal rapuart jenfri citadins e aministrazion publiche. La trasparence e je cussì deventade un dirit dai citadins che a àn di podê controlâ lis informazions su lis ativitâts des aministrazions e dai ents publics. A fevelâ di chescj temis a saran: Luca Nervi, che espert indipendent che al à la incarghe di valutâ il Comun di Udin; Antonio Scaramuzzi, responsabil de trasparence a palaç D’Aronco; e l’assessôr Gabriele Giacomini che al coordenarà il confront cui citadins. La jentrade e je libare, ma i puescj a son limitâts e duncje al è miôr prenotâsi sul link dedicât ae Zornade de Trasparence che si cjate sul sît www.comune.udine.it .